Var á ættarmóti á Sauðanesi um síðustu helgi.  Vel heppnað og gaman.  Gott veður, góð dagskrá og góður matur. Það verður pottþétt aftur haft ættarmót hjá "Sauðanesveldinu" á allra næstu árum.

Nú er allt í blóma hjá mér.  Búin að fara í Hveragerði og sækja blóm og körfur.  Koma þessu öllu fyrir á svölunum.  Skipulegg "svalaskoðunarferðir" í kjölfarið.  Fullbókað í gær.

Það hefur ekki gefið í Hveragerði.  Arfavitlaust veður, rok og rigning hefta för.  Það hefur þó gefið hérna niður í Blómaval við Skútuvog.  Nokkrar harðgerðar plöntur prýða svalirnar hjá mér.  Þ.e.a.s. þegar kerin eru ekki á hliðinni!  Þetta var stutt sumar!

Nú styttis í að haldið verði í blómabæinn Hveragerði og versluð sumarblóm á svalirnar ásamt kannski nokkrum gulrófum í garðinn.  Það hefur hlýnað mikið og vonandi verður sumarið gott.

Ég finn fyrir bloggleiða.   Hann lýsir sér með ógurlegri þreytu og sleni þegar ég hugsa um að blogga.  Ef ég sest við tölvuna lamast ég.  Þess vegna ætla ég að blogga minna framvegis enda kannski engin ástæða til að blogga ef maður hefur ekki þeim mun meiri þörf fyrir það.  Ég mun því ekki leita til læknis vegna þessara einkenna.  Ég hlakka líka svo til sumarsins og er einmitt núna að undirbúa svalirnar fyrir sumarið.

Við skulum öll mæta á kjörstað í dag og kjósa.  Ég kýs Sjálfstæðisflokkinn. X-D.

Skellti mér á Karlakór Reykjavíkur í kvöld með pabba.  Höfðum gaman af.  Beytti fuglatalningaaðferðinni á kórinn og niðurstaða var 68 + - 2.  Myndarlegur hópur sem heyrðist vel í.  Prógrammið gott. Blandað Íslenskt og erlent efni m.a. færeyskt sem var mjög gaman að.

Það er kvef í gangi.  Ég er kvefuð.  Borða hvítlauk og drekk te út í eitt.  Þetta er slæmt kvef.  Hnerri og nefrennsli ásamt sárum hósta.  Bjart og stillt veður en andkalt hér syðra.

Nú skellur á okkur ein helgin enn.  Veðrið er yndislegt og lífið gott.  Á morgun fæ ég frábærar konur að hjálpa mér að þrífa og taka til.  Þannig að ég ætti ekki að þurfa að hafa þessar sígildu áhyggjur af drasli og ryki um helgina.  Ég fer í afmæli annað kvöld og þaðan beint á árshátíð.  Var að máta pilsið og e-ð við og nota bene KOMST AÐ NIÐURSTÖÐU.  Sem er undarlegt með mig sem ákveð venjulega á síðustu stundu hverju ég klæðist enda klæði ég mig oftast eftir skapi.  Er ekkert að hafa of miklar áhyggjur af þessu.  Góða helgi og hafið það sem allra best.

Vefurinn hennar Karlottu er dásamleg mynd með þann fallega boðskap að vinátta er það sem skiptir máli og gerir jafnvel ófrínilegustu skepnur fallegar.  Vináttan er sterkt band sem bindur saman ólíkustu karaktera og gerir lífið þessi virði að lifa því og dauðann þess virði að deyja.Þegar tíminn er kominn.  Strákarnir frá eins árs og upp í þriggja sátu og gleymdu sér gersamlega yfir myndinni. Sá minnsti sofnaði að vísu en það gerir afi hans líka í tíma og ótíma yfir hinum og þessum atburðum. Í bíó, leikhúsi, á tónleikum-nefndu það.  Við Solla systir notuðum tissjúið sem var að vísu ætlað öðrum en....það var bara svo sorglegt þegar Karlotta dó eftir allt sem hún gerði í góðsemi sinni.

Loksins kominn vetur. Bylur og læti en samt ...... Tók fram dreifbýlistútturnar í gær og hef verið á þeim síðan.  Þ.e.a.s. utan dyra. Ætlum að fara að sjá Veröldin hennar Karlottu um helgina.  Með alla þá stráka og stelpur sem koma því við.  Fjóra sonarsyni o.s.frv.  Hlakka til og góða helgi.